Dy gra janë vrarë në harkun e 12 orëve në Shqipëri. Duke qenë nëna, motra dhe shqiptare, vrasja e tyre duhet të ketë pikëlluar gratë, nënat motra dhe shqiptaret.
Gratë e qeverisë dhe të pushtetit, bashkë me qeverinë dhe pushtetin, heshtin.
Gratë e Rilindjes, që dikur ‘të merrnin gjak në vetull’ për barazinë gjinore, tani kanë mbylur sytë dhe ‘hequr vetullat’ para serialit të vrasjeve.
Duke menduar se janë në pushtet, dhe duhet të bëjnë sikur vrasjet nuk kanë ndodhur, ato automatikisht e hedhin fajin mbi qeverinë. E cila për gratë e veta dhe të Shqipërisë ka vetëm një qëllim: i përdor si manekine dhe instrument propagande.
Të shtunën zonjat e Rilindjes e kanë një shans të fundit: në Asamblenë e PS të flasin edhe për gratë e vrara, të dhunuara, të papuna, të emigruara. Dhe pastaj të shohin nga veshjet dhe çantat e shtrenjta të njëra-tjetrës. Kështu të paktën ‘lajnë shpirtin’.Nga ish deputetja Nada Meçorapaj
