Derbi i Madridit i takon skuadrës së Zinedine Zidanes. Reali mposhti 2-0 Atleticon në ndeshjen e vlefshme për javën e 12-të në La Liga. ‘Los Blancos’ filluan ndeshjen mirë, pas një korneri, ishte mesfushori Carlos Casemiro i cili shënoi në minutën e 15’. Pjesa e parë mbaroi me avantazh minimal për Realin.
Ndërsa në pjesën e dytë, trajneri i Atletico Madrid, Diego Simeone, provoi të ndryshojë lojën, ku bëri disa zëvendësime, por pa efekt. Në minutën e 63’ ishte portieri i Atleticos, Jan Oblak që realizoi autogol. Daniel Carvajal bëri një g oditje potente nga jashtë zonës, topi fillimisht t ronditi shtyllën dhe më pas ishte kurrizi i portierit Oblak që e dërgoi në rrjetë. Real Madrid me këtë fitore ngjitet në vendin e 3-të me 23 pikë të grumbulluara, ndërsa ‘Los Colchoneros’ qëndrojnë ende në vendin e parë me 26 pikë.
