Temperaturat e larta në këto momente po e pamundësojnë edhe procesin e të ushqyerit, prandaj një pjatë e lehtë si kjo sallatë do të jetë idealja. Kjo sallatë është e mbushur plot freski dhe përbëhet nga trangulli, menta dhe djathi i bardhë.
Përbërësit e nevojshëm:
2 tranguj mesatar të prerë në copa të holla
gjysmë filxhani djathë dhie i bardhë, të copëtuar
gjysmë filxhani vaj ulliri ekstra të virgjër
gjysmë filxhani lëng limoni- 2 limona të freskët
1 lugë gjelle majdanoz i grirë
një maje lugë gjelle kripë
gjysmë luge gjelle piper i zi i bluar në çast
gjysmë luge qepë e kuqe e grirë imët
pak gjethe mente
Mënyra e përgatitjes:
Në një enë të madhe përzieni së bashku vajin e ullirit, lëngun e limonit, majdanozin, kripën, piperin, menten, fetat e trangujve dhe djathin. E gjithë kjo masë përzihet bashkë, pastaj e mbuloni me diçka dhe e leni të marinohet dy orë para se të shërbehet.
