I ftuar në “Glamour”, aktori Visjan Ukcenaj ka rrëfyer arsyen se pse nuk pranoi të ishte pjesë e filmit “Falco”, edhe pse kishte marrë një ftesë për të qenë pjesë e tij.
Moderatorja Ester Bylyku e ka pyetur e kuriozuar se pse e refuzoi ftesën e Bes Kallakut, ndërsa aktori ka shpjeguar se nuk i pëlqen më të bëjë komedi në film.
“Besi ma ka komunikuar që para se të niste filmi, për të bërë laçjanin në një skenë. Nuk ishte personazh shumë i madh, por nuk u arrit dot.
Me thënë të drejtën unë nuk aspiroj këtë lloj kinematografie. Duke qenë se unë këto personazhe i luaj në spektaklet e humorit, nuk dua të bëj gjëra të përsëritura.
Dua të bëj atë për të cilën jam shkolluar, një film artistik, të mirëfilltë, dramë apo komedi, nuk është problem. K
Kjo është aspirata ime përsa i përket teatrit apo filmit. Nuk bëj më komedi në teatër, nuk bëj më komedi në film”, – është shprehur Visjan Ukcenaj, lidhur me mospjesmarrjen në filmin “Falco”.
