Magjia e polifonisë labe, ka tërhequr muzikantë ndërkombëtarë, kjo edhe falë instrumentistëve tanë që kanë mundur të bëhen promovues të kësaj vlere. Mirëpo muzikantët nuk janë të interesuarit e vetëm ndaj kësaj trashëgimie shqiptare. Eimuntas Nekrošius, një nga të ashtuquajturit “Hamletët” botërorë të teatrit ka vënë në skenë shfaqje të shoqëruara me muzikën shqiptare. Regjisori Adonis Filipi ka qenë i pranishëm kur në Festivalin Ndërkombëtar të Shekspirit regjisori në Kraiov të Rumanisë ai do të vinte në skenë Makbethin,duke pasur në sfond tinguj nga polifonia labe. “Ka qenë diçka mahnitëse, muzika e Shqipërisë së Jugut shoqëronte gjithë veprën, për gati 5 orë shfaqje. Ishte dhe një mrekulli”. Pas shfaqjes Filipi ka mundur të komunikojë me stafin dhe regjisorin dhe t’i pyes se si ishin ndeshur me muzikën tonë. Ata i kishin rrëfyer se e kishin blerë gjatë në Paris gjatë viteve ’99. Më poshtë regjisori shqiptar rrëfen jetën dhe karrierën e Nekrošius, një prej 10 regjisorëve më të mirë në botë, i ndarë nga jeta javën e kaluar.
Pas një karrierë të shkëlqyer, të martën e 20 nëntorit, një ditë para se ai të mbushte 66 vjeç, do ndërronte jetë regjisori Eimuntas Nekrošius , në moshën 65 vjeçare. Falë fuqisë së tij unike për të krijuar emocion dhe aftësisë për të riinterpretuar literaturën e madhe dramatike botërore. Krijimet e tij janë bërë monumente të artit të interpretimit, “Eimuntas Nekrošius, artist i shquar lituanez, një nga regjisorët më të mëdhenj të teatrit në botë, ishte një artist me çmime që krijoi shfaqje të paharrueshme me kalimin e kohës, fitues i Çmimit të Evropës për Teatrin.I lindur në vitin 1952 u diplomua nga Instituti i Teatrit Lunacharski në Moskë në vitin 1978. Ai punoi në Teatrin Kombëtar të Rinisë në Vilnius (1978 – 1979) dhe në Teatrin e Dramës së Kaunas (1979 – 1980). Në vitin 1980 u kthye në Teatrin e Vilniusit ku bashkëpunoi për shfaqjet e mëposhtme:“Sheshi”, nga Yeliseyev, “Pirosmani, (1981), “Dashuria dhe Vdekja në Verona”, nga Antanėlis dhe Geda (1982), “Një ditë më shumë se njëqind vjet nga Aitmatov” (1983), “XHaxha Vanja” nga Chehhov (1986) dhe “Hunda” nga Gogol (1991). Të gjitha prodhimet e tij janë ndarë në festivale të ndryshme teatri në Lituani dhe në shtetet baltike. Në vitin 1994, Nekrošius merr çmimin për Regjisorin më të Mirë të Vitit të Bashkimit Lituanez Teatror dhe Unioni Evropian i Teatrit e shpërblen me Realitete të Reja Europiane të Teatrit për shfaqjen Mozart dhe Salieri. Don Juan, Plague.Në vitin 1997, ai krijoi një nga prodhimet e tij më të suksesshme: “ Hamlet”nga Shekspir, i cili luhet pothuajse në të gjitha festivalet më të mëdha evropiane, duke fituar disa çmime. Në vitin 1998, krijon studion e teatrit Meno Fortas, ku punon si drejtor artistik. Në vitin 1999 vë në skenë “ Makbeth” nga Shekspir (realizuar me vajet polifonike të Shqipërisë së jugut – të cilin kam pasur fat ta ndjek dhe, në vitin 2001, Othello, e cila ishte premierë botërore në Venedik. Në vitin 2002, ai drejton operën e tij të parë, Macbeth nga Verdi, në Teatro Comunale në Firence. Në vitin 2003, Nekrosius inskenoi “ Stinët”, bazuar në një poezi nga poeti i famshëm lituanez Kristijanas Donelaitis dhe “Kopeshti i qershive” nga Chekhov, premierë në Moskë dhe që u vlerësua nga kritikët rusë për të qenë prodhimi më i paharrueshëm i punës së Chekhov në dhjetë vitet e fundit. Në vitin 2008 drejton “Anna Karenina” në Emilia Romagna Teatro në Modena dhe prodhimin e operës “Legjenda e Qytetit të Padukshëm të Kitezh” në Teatro Lirico të Cagliarit, si dhe në Teatrin Bolshoy në Moskë. Në vitin 2009, në kuadër të programit Vilnius – Kryeqytet i Evropës, ai vë në skenë “Idiotin ” nga Dostojevski. Ky prodhim fiton çmimin Kryqin e Artë për Performancën më të Mirë të Teatrit Lituanez të sezonit. Në vitin 2010, Nekrošius realizon opera Faust nga Charles Gounod në Teatrin La Scala në Milano dhe, në vitin 2011, realizon dy produksione – “Kaligula” në Teatrin e Teatrit të Moskës dhe operën “Otello” nga Verdi në Teatrin Kombëtar të Operas të Baletit të Lituanisë. Disa nga prodhimet më të fundit janë: “Komedia Hyjnore” nga Dante në Teatrin Meno Fortas, “Parajsa” në Teatrin Olimpik në Vicenza (2012), opera “Otello” në Teatrin Lyric në Bari dhe Cagliari (2013) dhe “Libri i Punës” në Teatrin Meno Fortas (2014). (A.F)
/Shekuli
