Reshjet e dendura të shiut gjatë orëve të fundit kanë sjellë vështirësi në qarkullimin rrugor, duke shkaktuar bllokimin e përkohshëm të disa akseve.
Disa rrugë janë bllokuar gjatë natës për shkak të rënieve të gurëve dhe pemëve të këputura. Megjithatë, Autoriteti Rrugor Shqiptar njofton se të gjitha rrugët në vend janë të kalueshme.
Vështirësi paraqet aksi Bajram Curri-Valbonë, ku për shkak të rënies së gurëve, qarkullimi kryhet me një korsi.
Njoftimi i ARRSH:
Reshje me intensitet kanë përshkuar të gjithë vendin, pa bllokuar qarkullimin në akset kombëtare
Ka pasur rënie të inerteve në trup të rrugës më të shpeshta në Rajonin Verior, dhe pemë të këptura, si në Vlorë-Orikum të cilat janë pastruar menjëherë
Në aksin Bajram Curri-Valbonë ka pasur rënie gurësh dhe inertesh, qarkullimi për momentin kryhet me një korsi
Kontraktorët me mjete e punëtorë janë në terren për të mbajtur qarkullimin në normalitet
