Rikthehen në burgun e Drenovës në Korcë 7 të burgosurit që rezultuan me COVID-19 së bashku me tre të tjerët të trajtuar në spital. Njëri nga të infektuarit, 74 vjecari Caush Bane gjeti vdekjen në spitalin ‘Shefqet Ndroqi’ pak ditë më parë.
Ditën e djeshme janë rikthyer në burgun e Drenovës 7 të burgosurit që rezultuan 1 muaj më parë me COVID-19. Mes tyre është edhe një shtetas maqedonas Ace Nakolefski i cili këto ditë pret të lirohet. Të gjithë të burgosurit pas infektimit me COVID-19 ishin transportuar në burgun e Shën Kollit. Ndërsa pas përmirësimit dhe testit negativ ata janë rikthyer për të vuajtur dënimin në burgun e sigurisë së lartë Drenovë.
Burime të sigurta të 7-ë të burgosurit janë vendosur në një ambient të vecantë të veçuar nga të tjerët pasi vijnë nga një ambient tjetër, për këtë arsye të 7 të burgosurit do qëndrojnë për 14 ditë edhe në kushte kur secili ka dy teste negative .
