Vranësira dhe intervale kthjellimesh dominojnë në vend. Më të dendura vranësirat do të jenë në zonat Veriore-Verilindore dhe juglindore duke rrezikuar reshje të izoluara shiu e dëbore.

Pasditja dhe orët e mbrëmjes dominohen nga alternime kthjellimesh dhe vranësirash të shpeshta në ultësirën Perëndimore por vranësirat mbeten më të dukshme në Juglindje duke rrezikuar reshje të izoluara.Sponsored by Revcontent

Sipas MeteoAlb, era do të fryjë me shpejtësi 40 km/H nga drejtimi Verilindor duke krijuar në det dallgëzim 4 ballë.

Temperaturat e ajrit do të ulen lehtë në vlerat e mëngjesit por pritet rënie gjithashtu në orët e mesditës duke bërë që vlerat ditore të luhatura nga -6 deri në 12 gradë C.