Lagjet e reja, një kombinim i banesave individuale me ato kolektive, shërbimeve dhe rekreacionit do të jenë modeli i ri i zhvillimit urban të qyteteve që u goditën nga tërmeti i 26 nëntorit të 2019-ës.
Kryeministri Edi Rama ndau sot një video nga kantieret e rindërtimit, ku po marrin formë lagje të reja.
Puna në kantieret e rindërtimit po vijojnë me ritme të larta ndërsa viti 2022 pritet të përmbyll plotësisht këtë program kombëtar, duke futur në banesat e rindërtuara të gjitha familjet që humbën strehën nga tërmeti i 26 nëntorit 2019.
Shijaku, Kavaja, Manza, Vora, Valiasi dhe Spitalla janë vetëm disa nga zonat që do të pësojnë transformim rrënjësor në vitit 2022.