Rreth 5 mijë emigrantë shqiptarë kanë mbetur të bllokuar në det të hapur

Moti i keq ka shkaktuar probleme në lundrimin detar, kryesisht të anijeve tregtare dhe peshkarexhave, ndërsa tragetet kanë mbërritur me vonesë, për shkak të fluksit të pasagjerëve që vijnë në atdhe për pushimet e fundvitit, por edhe nga vështirësitë që kanë hasur nga moti i keq. Një traget nga Bari mbërriti në kohë, ndërsa në mesditë priten dy tragete, një nga Bari dhe një nga Ankona me rreth 5 mijë pasagjerë. Qytetarët nga trageti i nisur nga Ankona bëjnë apel për ndihmë pasi kanë mbetur të bllokuar në det, për shkak të motit të keq, raporton “balkanweb”.