Ish kryetari i bashkisë së Kukësit Safet Gjici kërkon pafajësi në gjykatë. Gjici ka deklaruar se ka rënë pre e një kurthi të ngritur nga kundërshtari i tij Abedin Uruçi i cili sipas tij ka bashkëpunuar me Alma Kaçin. Ai tha se kishte rënë pre e një provokimi.

“Kjo është kjo është një hakmarrje personale e Abedin Urucit sepse unë i pamundësova për të marrë ca prona të bashkisë të zaptuara kur erdha në krye të bashkisë. Unë kam shkelur vetëm etikën. Nuk kam shkelur asnjë nen asnjë ligj. Kërkoj të shpallem i pafajshëm. Videon e ka paguar kundërshtari im politik Abedin Uruci. Edhe sot them si la mundësi qe rashë pre e atij provokimi. U kërkoj falje familjarëve.”, tha Gjici.