Salla e re e studimit, dixhitalizim on demand, marrje e kopjeve online, laborator i ri restaurimi, etj për pak ditë në dispozicion të çdo shqiptari në Drejtorinë e Përgjithshme të Arkivave.
Prej pak kohësh, dixhitalizimi është kthyer në prioritet ku sot skanohen në 10 ditë, aq sa skanoheshin në 1 vit.
Më herët këto dokumente kanë qenë vetëm fizike, por tani çdo qytetar ka mundësi t’i shohë ato më qartë dhe të ketë një shërbim më të modernizuar.
Arkivat elektronikë ashtu dhe ato tradicionalë, përbëjnë një pasuri me vlerë të jashtëzakonshme për një vend. Dokumentet, si pjesë e arkivit elektronik të institucioneve të memories kombëtare kanë afat ruajtje përgjithmonë.
Duke u dixhitalizuar dokumentet e vjetër ruhen për publikun, në mënyrë që ato të jenë sa më të qarta, pasi procesi bën të mundur që këto dokumente të mos vjetërohen, por t’i serviren publikut në mënyrë të qartë e të denjë.
