Sami Macukulli, 22-vjecari shqiptar që vdiq për shkak të një aksidenti në punë në Itali, la përgjysmë shumë ëndrra dhe qëllime të parealizuara, për të cilat koha, jeta dhe fati ndoshta u treguan të padrejta.
Mediat italiane shkruajnë se i riu humbi jetën për shkak të një aksidenti në punë pasi ra na një lartësi prej 50 metrash në Franciacorta në Itali.
Mirëpo ajo që e bën më të trishtë faktin e vdekjes së tij, janë detajet që mediat italiane kanë zbuluar rreth jetës së të riut.
Me punën dhe rrogën e re, Macukulli i kishte premtuar partneres se do të martohej me të, dhe të shkonin të jetonin bashkë në Itali. Gjithçka ishte gati, mungonte vetëm akti nga noteri, i cili duhet të ishte përfunduar javën e ardhshme.
Të gjithë ata që e kishin njohur thanë se Smiu ishte një djalë shumë punëtor dhe ambicioz, plot me dëshira dhe qëllime për të ardhmen.
Samiu jetonte në disa apartamente në zonën e Caorles, me babain e tij, Ilirjan Macukulli. Ai kishte 20 vjet në Itali.
Jeta e tij ishte me sakrifica, punë dhe pak miqësi. Samiu filloi të punojë me të atin, te Sim Ponteggi. Ndërkohë, e ëma dhe e fejuara e tij jetonin në Shqipëri, në zonën e Dibrës.
