Në Kuvend po mbahet seanca plenare në të cilën kryeministri Edi Rama do të paraqesë programin qeverisës për katër vitet e ardhshme.
Seanca nisi në orën 10:00 dhe pritet të zgjasë mbi 25 orë, pasi çdo deputet do të ketë në dispozicion nga 10 minuta për fjalën e tij, siç u vendos dje në Konferencën e Kryetarëve.
Kryeministri Edi Rama tha se shqiptarët i dhanë besim të jashtëzakonshëm.
Kryeministri Edi Rama tha se 83 mandatet janë një borzh i jashtëzakonshëm ndaj atyre që votuan PS-në. Një koment bëri edhe për opozitën.
“Si folësi i parë i kësaj legjislature të re, në këtë pjesë vendimtare të rrugës së shqipërisë evropiane, ti përcjell urimin tim për një drejtim sa më të suksesshëm të kuvendit, kryetarit të ri Niko Peleshi. Urime dhe suksese. Unë bnuk jam këtu sot për të kryer formalitet votëbesim të qeverisë së re, me mbështetjen aritmetike të një shumice të pazakonshme në këtë sallë, dhe dua t’i them shumicës se jo një mandat, por vite të tëra politike, nuk mjafton për ta shpërblyer besimin e jashtëzakonshëm që shqiptarët na dhanë këtë herë. 83 mandate apo mbi 50% e zgjedhësve në mbështetje janë shifra të një borxhi të jashtëzakonshëm psër mandatin e 4.
Borxh që duhet ta marrim përsipër cdo dite jo me fjalë por me një vijë të re sjelljeje, qasje të re vetëkritike, me ide dhe risi në cdo drejtim, durim. Vullnet e energji të reja në çdo hap për suksesin e këtij mandati të ri. Pakicës dua ti’ them se nuk është puna jonë cfarë bëni dhe thoni jashtë kësaj salle, por në këtë sallë dhe në respekt të zgjedhësve tuaj, do të keni vëmendjen tonë dhe kohën që dëshironi nëse do të harroni përdorimin e trupit, të duarve, të këmbëve si argument dhe të zhurmës dhe rënies me dorë të tavolinave si alternativë. Në të kundërt prania jonë këtu do të zgjasë sa një proces votimi. “, u shpreh Rama.
Edi Rama: 83 mandate janë shifra të një borxhi të jashtëzakonshëm për mandatin e katërt radhazi, borxh që duhet ta marrim përsipër, jo me fjalë, por me një qasje të re, me ide dhe risi në çdo drejtim.
Pakicës do ti them që nuk është puna jonë se çfarë bëni jashtë kësaj salle, por në këtë sallë do keni vëmendjen tonë nëse do të harroni përdorimin e duarve e këmbëve si argument. Në të kundër prania jonë këtu do të zgjasë sa në proces votimi
Pas Ramës, të drejtën për të shfrytëzuar foltoren e ka Sali Berisha ose Gazment Bardhi, për aq kohë sa do të flasë kryeministri. Rregullorja parashikon që vetëm kryeministri dhe lideri i opozitës kanë të drejtë të flasin pa kufizim kohe ose në barazi me njëri-tjetrin.
Nëse votimi do të bëhet të premten herët, edhe ceremonia e betimit të kabinetit tek oresidenti do të zhvillohet po atë ditë. Përndryshe, ajo do të shtyhet për të shtunën. Menjëherë pas betimit, Rama pritet të thërrasë mbledhjen e parë të qeverisë së re, siç ka ndodhur në mandatet e mëparshme.
