Krijimi i ushtrisë së Kosovës po pritet me shqetësim nga Serbia dhe, sipas tyre, kjo gjë mund të sjell situatë të tensionuar në Ballkan.
Madje, shefi i zyrës për Kosovën në Qeverinë e Serbisë, Marko Gjuric, po e cilëson këtë si “zjarr në fuçi baroti”.
Gjuric ka thënë se rajoni ka nevoje për diçka që do ta ulte tensionin dhe jo për ushtri të Kosovës, duke bërë thirrje që BE-ja të marrë ndonjë hap.
“Tani kemi nevojë për një anti-eskalim të situatës së sigurisë, dhe jo një tendosje me krijimin e një ushtrie të re në Kosovë, dhe të shtojmë barut më shumë në fuçinë e barutit të Ballkanit, te cilës i nevojitet pak ndezje për ta kallë të gjithë regjionin”, ka thënë Gjuric.
Sidoqoftë, ky është reagimi i parë zyrtar i Qeverisë së Serbisë lidhur me krijmin e ushtrisë së Kosovës, e cila po pritet të bëhet më 14 dhjetor.
Ndryshe, Kosova para dy netësh solli një kontingjent prej 24 automjeteve ushtarake, që i kanë kushtuar miliona euro.
