Një ngjarje e rëndë ka ndodhur në një bar në Ventura, San Antonio të SHBA-së. Pas një sherri banal ka “plasur” arma me pasojë dy të vdekur dhe 5 të plagosur. Sipas informacioneve një person ka nxjerrë armën dhe ka qëlluar mbi klientët e barit. Disa media, bazuar në dëshmitë e dhëna nga personat okularë, shkruajnë që sherri ka nisur pas një grindje për muzikën. Mësohet se viktima kanë mbetur një 21 vjeçar, i cili ka gjetur vdekjen e menjëherëshme, ndërsa personi i dytë është dërguar në gjendje kritike në spital dhe nuk ka arritur t’u mbijetojë plagëve të marrë.
Pesë personat e tjerë të plagosur po marrin trajtim mjekësor. Policia ka mbërritur në vendngjarje dhe ka filluar hetimit. Sipas tyre ende nuk është zbardhur autori i ngjarjes.
“Ne po punojmë për këtë, jam i sigurt se do ta identifikojmë individin dhe do ta kemi atë person në burg së shpejti,” tha McManus, shefi i policisë.
