Kryeministri Edi Rama ka falënderuar ambasadoren e SHBA-së për rritjen e shumës së deklaruar në Bruksel për Rindërtimin.
“Falënderoj ambasadoren e SHBA për lajmin e mirë se SHBA do ta rrisin shumën e deklaruar në Bruksel për Rindërtimin”, shprehet Rama.
Kryeministri Rama thekson se nisja e punës së përbashkët për Akademinë e Transparencës realizon një kërkesë tonën për ta bërë Rindërtimin shembull edhe në këtë aspekt.
“Nisja e punës së përbashkët për Akademinë e Transparencës realizon një kërkesë tonën ndaj miqve të çmuar për ta bërë Rindërtimin shembull edhe në këtë aspekt”, tha Rama.
SHBA dhuroi 5 milionë dollarë për përballimin e dëmeve nga tërmeti i 26 nëntorit 2019 në Shqipëri në Konferencën e Donatorëve në Bruksel.
