Një ditë para Samitit të Buxhetit të BE-së, kryeministri italian, Guiseppe Conte, refuzoi propozimin e buxhetit të BE-së, të prezantuar javën e kaluar nga presidenti i Këshillit Europian, Charles Michel.
“Roma nuk do të miratojë draftin e propozuar për kornizën e shpenzimeve të Bashkimit Europian për 2021-2027”, deklaroi sot Conte në një fjalim para Senatit.
Duke vlerësuar përmirësimin e planit të buxhetit lidhur me propozimet e mëparshme, ai këmbënguli se drafti i presidentit Michel nuk është i përshtatshëm për të përmbushur objektivat e përcaktuara në axhendën strategjike nga udhëheqësit e BE-së, si dhe programin e presidentes së Komisionit Europian.
Kryeministri parashikoi se Samiti që do të zhvillohet nesër, do të jetë i ndërlikuar dhe i vështirë.