Shtetet e Bashkuara të Amerikës pritet që shumë shpejt të miratojnë dozën e tretë të vaksinës anti- Covid, që do aplikohet tek personat që kanë system të dobësuar të imunitetit. Mediat amerikane shkruajnë se FDA-ja mund të miratojë vaksinën Pfizer ose Moderna ditën e sotme.
Nga ana tjetër, shkencëtarët po debatojnë nëse do të ofrojnë dozë shtesë të vaksinave për personat me imunitet të dobësuar, siç janë ata që kanë bërë transplantim të organeve ose pacientët që vuajnë nga kanceri.
Një studim i kohëve të fundit nga Universiteti Johns Hopkins zbuloi se shumë pacientë që kanë bërë transplantim, kishin pak ose aspak mbrojtje antitrupash pasi morën dy doza të plota të një vaksine, por një dozë e tretë rriti antitrupat.
Qeveria kanadeze njoftoi të mërkurën se po përgatiste një pasaportë digjitale të vaksinës kundër COVID-19, të cilën qytetarët kanadez do ta përdorin për udhëtime ndërkombëtare.
Ministri i Imigracionit, Marco Mendicino, tha se qeveria federale në Otava po punon me krahinat dhe territoret e saj, që janë përgjegjëse për vaksinimin e banorëve të tyre, për një qasje të përbashkët në krijimin e pasaportës, e cila duhet të jetë në dispozicion në muajt e ardhshëm.
