Në Njësinë e re e Radioterapisë, falë investimit të qeverisë në akseleratorët e standardeve europiane, ekipi i palodhur i Onkologjikut nga janari ka realizuar 11,337 seanca radioterapie falas për pacientët.
Kështu u shpreh sot ministrja e Shëndetësisë dhe Mbrojtjes Sociale, Ogerta Manastirliu, ndërs publikoi disa fotografi nga puna që bëhet në këtë spital. “Megjithë situatën e vështirë të shkaktuar si pasojë e COVID-19, ekipi i radiologjisë në spitalin onkologjik nuk e ka ndalur punën për asnjë moment, në shërbim të pacientëve në nevojë”, – theksoi Manstirliu.
Njësia e Radioterapisë në QSUT ka potencialin për të bërë trajtime bashkëkohore me futjen e teknikave të reja, pasi arrihen standarde europiane dhe bëhet i mundur trajtimi me previzion të lartë, gjë që më përpara nuk realizohej dot me aparaturat e vjetra.
