Ditën e sotme (7 gusht 2019) kryebashkiaku i ri i Kamzës, Rakip Suli ka hyrë në zyrë pas orarit zyrtar të punës. Rezistenca e demokratëve për disa orë bëri që këshilli i ri bashkiak dhe Suli të betoheshin për detyrën e re në shkollën “Ibrahim Rugova” dhe kësisoj hyrja në institucion të ishte e dhunshme.
Ish-kryebashkiaku demokrat Xhelal Mziu në zbatim të dekretit të presidentit Ilir Meta për zhdekretimin e 30 qershorit, nuk pranoi të lironte zyrën. Kjo bëri që socialistët të thyenin derën kryesore të bashkisë dhe më pas derën e zyrës së kryetarit. Ne videon e mësipërme shihet se si një person mundohet të hapë derën e zyrës së Sulit. Pas disa përpjekjesh dera është hapur dhe Suli ka mundur të futet në zyrën e tij duke premtuar se do t’u shërbejë kamzalinjve pa dallim ngjyrimi politik.
Për më shumë shihni videon:
