Komisioni i Pavarur i Kualifikimit ditën e sotme ka shkarkuar nga nga detyra gjyqtarin e Elbasanit, Bujar Musta. Vetingu ka vërejtur se ai ka pasur probleme të theksuar me pasurinë, kriterin moral dhe atë profesional. Procesi i vetingut për gjyqtarin Musta u krye nga trupa gjyqësore e kryesuar nga Olsi Komici, me relator Lulzim Hamitajn dhe anëtare Suela Zhegun.
Në cilësinë e vëzhguesit ndërkombëtar ishte i pranishëm Francesco Ciardi. Bujar Musta e ka nisur karrierën në sistemin e drejtësisë në vitin 1993 dhe punon prej më shumë se dy dekadash si gjyqtar në Gjykatën e Rrethit Elbasan. Në vitin 2014, Musta i është nënshtruar një procedimi disiplinor dhe ka marrë “vërejtje me paralajmërim” nga Këshilli i Lartë i Drejtësisë.