Nga kryebashkiaku Dritan Leli, Me punonjësit e zjarrfikëses jemi takuar gjithnjë në terren, sidomos në ditët e vështira të kësaj vere. Sot i takova në vendin e punës, për t’iu çuar pajisjet që u duhen dhe veshje të reja për të gjithë. Luani, punëtori i mbarë e i përkushtuar, më tha se disa gjëra mund t’i bënim më mirë.
Diskutuam, me të e kolegët e tij, për të gjitha nevojat që, duke u përmbushur, do të lehtësonin punën e tyre nga pikëpamja praktike, por edhe ekonomike.
Zaçja, më i vjetri për nga përvoja, kishte dëshirë të takoheshim sërish, aty ku punojnë e kalojnë pjesën më të madhe të ditës e jetës, në shërbim, prandaj do të rikthehem, në një kohë pushimi, tek ata e të gjithë shërbyesit e palodhur të qytetit, që të tregojmë gjithë mundin e sakrificat e njeriut edhe përtej punës.
