Policia greke ka shkatërruar grupin kriminal, që ka lejuar kalimin e paligjshëm të shqiptarëve në Greqi.
Deri më tani në prangat e policisë kanë rënë 17 persona, midis të arrestuarve janë edhe 7 efektivë policie që punonin në pikën kufitare greke në Kristalopigji (Kapshticë) që lidh Shqipërinë me Greqinë.
Protothema.gr shkruan se grupi kriminal i përbërë nga qytetarë dhe policë doganor ka lejuar kalimin e paligjshëm të më shumë se 1700 shqiptarëve, sigurisht kundrejt pagesës.
Sipas llogaritjeve vlerësohet se shuma që grupi kriminal ka përfituar nga shqiptarët të jetë 700 mijë euro.
