Ditën e djeshme Klaudia Xhaferaj së bashku me djalin e saj 6-vjeç u është ndërprerë jeta në mes, si pasojë e një aksidenti tragjik të regjistruar mesditën e sotme në qendër të qytetit të Beratit.
E reja, Klaudia Xhaferaj sapo kishte marrë djalin e saj nga shkolla dhe po ktheheshin në shtëpi, por për fat të keq makina me të cilën po udhëtonin përfundoi në lumin Osum.
Pamjet e aksidentit në videon e mëposhtme shihet momenti i aksidentit, ku shihet se shkak ka qenë një parakalim i gabuar nga e reja.
Kjo pasi makina tip “ML” me targa AA 515 CA me të cilën po udhëtonte e reja, ka hyrë në parakalim, e në tentativë për të shmangur kamionin ka devijuar, duke përfunduar në lumin Osum, pa frenuar aspak.
Detaji tjetër që vihet është se 25 vjeçarja është përpjekur të shmang edhe një tragjedi tjetër pasi pas kamionit ishte një makinë tip “Benz”, të cilën vajza u përpoq ta shmangte. Tani duhet të presim ekspertizën për zbardhjen e ngjarjes e cila përfundoi në një tragjedi ku humbën jetën nënë e bir.
Ndërkohë eksperti i sigurisë rrugore, Artur Sulçe vlerëson se shpejtësia e mjetit që ra dje në lumin Osum me pasojë vdekjen e dy personave ishte normale, por i gjithë problemi qëndron tek cilësia e dobët e barrierës mbrojtëse.
“Ishte shpejtësi normale. Arsyeja e devijimit mund të ketë qenë se mund të ketë lëvizur fëmija, mendoj unë. Një element i rëndësishëm, pamë që elementet e sigurisë rrugore.
Ai gardh duhet ta ruante mjetin. Shpejtësia ishte e ulet. Nëse do ishte brenda standardeve, nuk do ta kishim ngjarjen tragjike.
Sa e preku me, cepin, iku i gjithë. Kjo është cilësia, kjo është Shqipëria, kjo është Rilindja. Sikur e rrëzoi era. Ajo barrierë duhet të duronte 40 ton. Sa e preku parakolpi, barriera ra”, tha eksperti.
Kujtojmë se aksidenti ka ndodhur në orën 14:00 dhe kanë qenë qytetarët të cilët kanë ndërhyrë menjëherë për t’u dhënë ndihmën e parë, por për fat të keq kjo tentativë ka rezultuar e dështuar pasi nënën dhe djalin i nxorën nga makina pa shenja jete.
Rreth 30 minuta, qytetarët kanë bërë të pamundurën që të shpëtojnë nënën dhe djalin, por pa rezultat.
Ato kanë thyer xhamin e makinës duke nxjerrë trupin e fëmijës, dhe më pas ndërhynë për të nxjerrë edhe nënën, por për fat të keq nuk dhanë asnjë shenjë jetë. Bashkëshorti dhe babai i djalit, ishte emigrant në Angli, por kishte vetëm pak ditë që ishte kthyer në vendlindje.
