Kreu i Shtetit, Ilir Meta ka folur për Shpërndarjen e Parlamentit, duke thënë se këtë duhet ta bëjë populli. Në një intervistë për emisionin “Çim Peka LIVE”, Presidenti bëri deklaratën e fortë, duke thënë se duhet të dalin nja 20 burra që ta çojnë vendin në zgjedhje, sepse me këtë qeveri nuk shkohet. “Dakord e shpërndaj parlamentin që nuk është kaq e thjeshtë nga ana kushtetuese, por jo e pamundur. Por unë duhet të kem një situatë që i gjithë populli ta dojë. Por të dalin nja 20 burra që ta çojnë vendin në zgjedhje se me këtë qeveri nuk shkohet në zgjedhje.
Këtë k rizë e zgjidh vetë populli shqiptar. Edhe presidenti, të ndërpritet mandati dhe të votohet nga populli dhe të gjithë të respektojnë vullnetin e sovranit. Unë jam gati të bëj edhe zgjidhje të tjera, por duhet të jenë gati edhe të ca burra që presidenti ti çojë në zyra, të drejtojnë qeverinë dhe të çojnë vendin në zgjedhje”, tha Meta.
