Një bombë ka shpërthyer jashtë stacionit televiziv privat grek Skai mbrëmjen e djeshme, duke shkaktuar dëme të mëdha në ndërtesë, por pa lëndime.
Policia bën të ditur se pas sulmit me ekploziv qendron organizata “Luftëtarët e Lirisë”, organizate e ekstremit të majtë dhe anarkistëve, të cilët edhe më parë kanë kryer sulme mbi mediat.
Për shpërthimin u përdorën rreth 10 kilogram eksploziv.
Më herët policia njoftoi se shpërthimi ndodhi rreth orës 02:30 jashtë selisë së transmetuesit në Athinë autoritetet kishin evakuuar ndërtesën pas paralajmërimeve për bombë.
Dhjetëra hetues të policisë po mbledhin prova nga vendi i ngjarjes, i cili është rrethuar me perimetër sigurie.
Shpërthimi shkatërroi dritaret dhe dëmtoi pjesën e përparme të ndërtesës, ndërsa dëmtime ka pasur dhe në banesat dhe në makinat që ndodhedhin pranë godinës.
