Thellohet tragjedia e familjes Gjoka në Velipojë. Ka ndërruar jetë ditën e sotme, Alketa Gjoka, nëna e dy vajzave që humbën jetën më herët për shkak të plagëve të marra nga shpërthimi i bombulës së gazit.
Më herët humbën jetën edhe dy vajzat Daniela dhe Klarisa Gjoka, të cilat mbetën të plagosura nga shpërhtimi i bombulës së gazit më 4 korrik në Velipojë. Familja u dërgua për kurim në Itali, por fatkeqësisht nuk ia dolën dot.
I vetmi i mbijetuar nga familja është djali i vogël 11 vjeç, i cili është në koma.
Për këtë ngjarje të rëndë është arrestuar Petrit Mollja, tregtar gazi, sepse dyshohet se ai i shiti gazin familjes Gjoka në Velipojë. Policia bëri me dije se Mollaj, 46-vjeç, banues në Shkodër, tregtonte gaz në kundërshtim me ligjin, ndërsa një ditë pas ngjarjes në Velipojë, atij iu bllokua aktiviteti.
