Një operacion masiv ndërkombëtar me 38 të arrestuar për trafik droge është zhvilluar këtë të premte në Itali dhe në Shqipëri.
Drejtuesi i SPAK, Arben Kraja ka falënderuar për bashkëpunimin autoritetet italiane që kanë marrë pjesë në këtë operacion, ku ka dhënë detaje në lidhje me arrestimet që janë bërë ne vendin tonë.
Kreu i SPAK bën me dije se në këtë operacion janë arrestuar dhe prokurorë, punonjës policie dhe punonjës të administratës publike.
“Është një skuadër e përbashkët e krijuar, që ka një vit e gjys që kryen aktivitet dhe hetimet përbashkëta, një shkëmbim informacioni të menjëhershëm dhe të sukseshsëm, i rëndësishëm në grumbullimin dhe analizimin e provave dhe ekzekutimin e masave të sigurimit, 28 masa sigurimi në Shqipëri.
Një moment i rëndësishëm është dhe hetimi i gjithanshëm që është kryer, është evidentuar i gjithë zinxhiri, nga prodhimi deri te trafikimi në Itali i lëndëve narkotike, është evidentuar dhe provuar dhe përfshirja e zyrtarëve të ndryshëm publik duke favorizuar aktivitetin kriminal.
Bëhet fjalë për prokurore, punonjës policie, administratorë të pushtetit lokal, janë sekuestruar pasuri të luajtshme dhe paluajtshme disa milionë euro.
Përdorimi i bashkëpuntorëve të drejtësisë kanë dhënë dhe kontributin e tyre në këtë operacion. Kemi ngritur akuza për pastrim të veprës penale, para një viti në një konferencë në romë kemi shpjeguar dhe fazën e parë të këtij operacioni ku kam premtuar se kush është i përfshirë do të ndiqet penalisht përfshirë dhe zyrtarë publik”, ka thënë Kraja
