“Shqipëria ime, ka ardhur koha që të merremi me potencialin”, Basha mesazh qytetarëve: T’i vëmë në jetë!

Kryetari i Partisë Demokratike Lulzim Basha ka zgjedhur që t’u japë sot një mesazh qytetarëve shqiptarë, ku tregon për potencialet që ka vendi ynë. Përmes një video të postuar në rrjetin social ‘Facebook’ Basha thekson se është koha që së bashku me qytetarët t’i vënë në jetë potencialet që ka Shqipëria. “Megjithë sfidat që kemi përpara, i yni është një vend mahnitës, me njerëz të talentuar dhe plot potenciale të jashtëzakonshme. Është koha që së bashku ti vëmë në jetë”, shkruan Basha, ndërsa në videon e publikuar shprehet se: “Shqipëria ime, ka ardhur koha që të merresh me potencialin e jashtëzakonshëm që ke”.