Deputeti Kujtim Gjuzi është shprehur në Kuvend se Covid 19 nuk ekziston, dhe ajo që po kalojnë qytetarët është e ngjashme me gripin stinor. Duke u ndeshur me reagime të forta nga socialistët, Gjuzi iu kërkoi grave deputete të majta, që në vend që të qendrojnë në Kuvend, duhet të shkojnë dhe të takojnë gratë naftëtare në Ballsh, që janë prej më shumë se 15 ditësh në grevë.
“Shqiptarë nuk ka Covid 19, është vetëm një grip stinor, kush je ti kolege që më kërkon mua që të ulem? Ju zonja që jeni këtu do të bënit mirë që të shkonit atje te greva e zonjave, më njihni mirë mua ju zonja Ekonomi, që nuk ulem kollaj unë”, u shpreh Gjuzi. Në seancën e sotme në Kuvend, pritet që mazhoranca të rivotojë ndryshimet në Kodin Zgjedhor,të cilat u rikthyen me dekret nga presidenti Meta, dhe kërkojnë 84 vota për të kaluar sërish. Po ashtu një nga pikat e rendit të ditën për sot është edhe një interpelancë me ministrin e Shtetit per Rindërtimin Arben Ahmetajn, kërkuar nga deputeti Halit Valteri.
