Categories Lajme

Shtetet e Bashkuara të Amerikës, edhe njëherë, kanë shprehur përkrahje për transformimin e FSK-së në Ushtri.

Madje, ambasadori amerikan në Prishtinë, Philip Kosnet, e ka quajtur votimin e së premtes në Kuvend, historik.

“SHBA-ja do ta përkrahë zhvillimin profesional dhe transformimin organizativ të FSK-së, i cili duhet të ketë rol pozitiv për Kosovën dhe rajonin, duke reflektuar sikur karakterin multi-etnik të vendit, gjithashtu edhe dedikimin e kosovarëve për paqe”.

“Seanca e nesërme e Kuvendit dhe ceremonia e FSK-së duhet të jenë ngjarje për reflektim dhe ridedikim për paqe, stabilitet dhe prosperitet për Kosovën dhe fqinjët e saj. Tani është koha për të gjithë liderët dhe palët që ta fokusojnë energjinë në dialog”, ka shkruar Kossnet në Twitter.

Një ditë para votimit të Ushtrisë së Kosovës, mbështetje ka dhënë edhe Gjermania.

Megjithëse ka thënë se ky proces nuk do të duhej të ngutej dhe të jetë gjithëpërfshirës.

“Pozicioni gjerman, siç është deklaruar më herët, është se Kosova, si një shtet i pavarur, ka gjithashtu të drejtën e saj për të pasur forca të armatosura. Ne e kemi theksuar që ky proces nuk do të duhej të ngutej dhe që duhet të jetë gjithëpërfshirës, posaçërisht sa i përket komuniteteve jo-shumicë”, thuhet në përgjigjen e Ambasadës gjermane, dërguar “Kohës Ditore”.

Sa i përket pakos së ligjeve që pritet të miratohen në Kuvend, sipas Ambasadës, ato do të analizohen pasi të jenë miratuar. Por, kanë kujtuar se kjo nismë nuk duhet të keqpërdoret nga asnjëra palë në marrëdhëniet Kosovë-Serbi.

Në një bisedim online me qytetarët e Kosovës, edhe ambasadori britanik në Kosovë, Ruairi O’Connell, ka thënë se Mbretëria e Bashkuar është pro krijimit të forcës së armatosur.

“Mbretëria e Bashkuar beson se është e drejtë e Kosovës t’i krijojë forcat e saj të armatosura. Ne vazhdojmë ta inkurajojmë Kosovën të sillet me përgjegjësi dhe me transparencë dhe në konsultim me aleatët e NATO-s dhe ta respektojë angazhimin e saj ndaj KFOR-it, përfshirë edhe shkëmbimin e letrave të vitit 2012-2013”, ka thënë ai.

E, në kohën që është betonuar përkrahja e aleatëve më të fuqishëm të Kosovës për Ushtrinë, në Beograd, presidenti serb Aleksandar Vuçiq, është ankuar edhe të enjten, duke thënë se krijimi i Ushtrisë së Kosovës i kontribuon destabilizimit të rajonit.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Pas radhës kilometrike të mjeteve, hiqet përkohësisht pagesa në autostradën Thumanë-Kashar

Pas skandalit të mëngjesit të sotëm me trafikun kilometrik nga aksi Thumanë-Kashar, mësohet se është…

LEXO ME SHUME
Categories Lajme

Vihen nën kontroll flakët në Llogara, drejtori i zjarrfikëses: Zjarri patjetër që ka dorën e njeriut

Zjarri që ra pasditen e djeshme në Llogara është vënë nën kontroll, ndërsa po punohet…

LEXO ME SHUME
Categories Lajme

Detaje/ Euro, blloqe dhe telefona, çfarë iu sekuestrua Beqajt dhe bashkëpunëtorëve pas kontrollit në banesë dhe zyrë

Pas më shumë se një viti hetimesh, ish-ministri i Shëndetësisë Ilir Beqaj është vënë sot…

LEXO ME SHUME
Categories Lajme

SPAK rëndon pozitën e ish-kryebashkiakut Jorgo Goro, sekuestrohen 4 ha tokë në Himarë

Rëndohen akuzat ndaj Jorgo Goros, tashmë në burg. Prokuroria e Posaçme kundër Korrupsionit dhe Krimit…

LEXO ME SHUME
Categories Lajme

Tentuan të trafikonin kokainë nga Amerika Latine, si ranë në pranga 3 shqiptarët në Itali

Një tjetër goditje e rëndësishme ndaj trafikut të drogës është kryer Guardia di Finanza e…

LEXO ME SHUME