Organizata Botërore e Shëndetësisë ka bërë me dije se numri i rasteve të reja me Covid-19 në një rang global, po sheshohet, por po rriten vdekjet. Sipas OBSH, janë më shumë se 4.5 milionë infektime të reja dhe 68 mijë vdekje në të gjithë botën javën e kaluar, një rritje shumë e lehtë krahasur me një javë më parë.
Ekspertët tregojnë se Delta mbetet kërcënim i madh kudo në botë. Për këtë situatë ka folur drejtori rajonal për Paqësorin Perëndimor, Dr, Takeshi Kasai. “Varianti delta është një kërcënim real që ka testuar kapacitetin e sistemeve më të zhvilluara shëndetësore. Transmetueshmëria më e lartë nënkuton se vatra të vogla rastesh nxisin shumë shpejt shpërthime të mëdha. Nëse hyn në shtëpi, virusi infekton më lehtësisht personat”, tha ai. Një studim i publikuar të martën nga Qendra për Kontrollin dhe Parandalimin e Sëmundjeve, konfirmoi se vaksinat mbeten tejet efikase në parandalimin e sëmundjes së rëndë dhe vdekjeve nga Covid-19.
