11/02/2025 – Situata në Bashkinë Vlorë
Sa i përket zjarreve të rëna gjatë orëve të mbrëmjes së datës 10/02/2024 në disa zona në qytet, te Kavalona në Pyllin e Sodës, në Orikum te pjeshkorja, pas ndërhyrjes së institucioneve përgjegjëse është bërë e mundur shuarja e tyre.
Po ashtu zjarri i rënë në fushën e mbetjeve është izoluar në orët e para të mëngjesit. U punua prej orës 22:30 deri në orën 5:20 për fikjen e zjarrit. Gjatë mëngjesit u punua përsëri me izolim të vatrave të riaktivizuara. Gjendja aktualisht është e qetë. Për shkak të erës janë dëmtuar disa pemë dhe me ndërhyrjen e MZSH nuk ka asnjë rrugë të bllokuar.
Situata paraqitet normale sa i përket furnzimit me ujë të pijshëm. Stacionet e ujit të pijshëm dhe ujërave të ndotur janë në funksion ndërsa gjeneratorët janë në gatishmëri. Impianti i ujërave të zeza vijon punën normalisht. Puna vijon në puset e Novoselës. Furnizimi me energji elektrike nuk paraqet probleme në qytet. Problematike mbeten zona e Tragjasit dhe Dukatit ku për shkak të erës së fortë janë evidentuar disa defekte. Grupet e punës janë në punë për stabilizimin e situatës.
