Banorja: Këtu jetoj dhe kam dy muaj. Asnjë nuk ka marrë masa me më dhënë një çapë bukë ta sjellë këtu se jam pa punë.

Ky ishte denoncimi i kësaj zonje për emisionin “Tempora”. Familja e saj përbehet prej 5 anëtarësh, por deri më sot ka mbetur në qiell te hapur, pasi bashkia e Shijakut ende nuk i ka dhënë asnjë zgjidhje.

Banorja: S’ke ik ti s’ke gjetur shtëpi? Ku ta gjej shtëpinë o kryetar. Kam dy muaj që kërkoj për shtëpi por nuk kam gjetur.

Në këto kushte ajo ka vendosur që të ndërtojë një barake përpara pallatit të saj, e ajo është kthyer në një strehë jo vetëm për të dhe familjet e tjera të pallatit.

Banorja: Ja dhe kjo komshia që është këtu rri këtu me mua. Edhe ai tjetri vjen dhe rri këtu me mua.

Por menjëherë pas intervistës së dhënë për emisionin “Tempora”, aty kanë mbërritur efektivë të policisë së bashkisë Shijakut.

Misioni ishte i qartë, jo ndihmë për ta por shkatërrimi i strehës së vetme që ata kishin.

Arsyet e shkatërrimit të kësaj barakeje i dha për “Temporan” vetë qytetarja.

Banorja: Erdhën gazetarët na morën në intervistë. Sa ikën ata erdhën e prishën policia bashkiake.

E darka është e vështirë për këta banorë. Në këto ditë të ftohta dimri, bashkia iu shkatërroi edhe atë strehë të ndërtuar, ndërsa banorët e kaluan natën rreth zjarrit në qiell të hapur.