Një 32-vjeçare është arrestuar, pasi vodhi dy canta me para dhe dokumenta personale dhe tentoi dy herë të vidhte dy banesa në Durrës. G.L. banonte në Tiranë , por vjedhjet i bëri në Durrës.
Sipas policisë, më datë 25.08.2019, në lagjen Nr.13, dyshohet se ka hyrë në banesën e shtetases M.B. dhe ka marrë një çantë, në të cilën kishte dokumente personale dhe vlera monetare dhe ka tentuar të vjedhë banesën e shtetasit A.D.
Më datë 26.08.2019, në lagjen Nr.13, dyshohet se është futur në banesën e shtetasit L. A., banues në Kosovë dhe i ka marrë çantën e dorës dhe dyshohet se është futur në banesën e shtetases L. B. dhe ka tentuar të marrë çelësat e banesës.
Sipas policisë, materialet i kaluan Prokurorisë së Rrethit Gjyqësor Durrës, për veprën penale “Vjedhja”.
