Tiranë, Një rrugë në njësinë numër dy do të marrë emrin e ish-deputetit të Partisë Demokratike Sokol Olldashi. Vendimi u miratua sot në Këshillin Bashkiak të Tiranës, ku kryebashkiaku Veliaj u shpreh se do vlerësohen jo vetëm figura të të majtës por edhe të të djathtës, që kanë lënë gjurmë në komunitet.
“Kemi marrë gjithashtu një propozim për një rrugë në këtë zonë, në Njësinë numër 2, me emrin Sokol Olldashi, ndaj duam që edhe atë koleg e mik ta respektojmë gjithashtu dhe besoj që Tirana do të jetë më dinjitoze me rrugë dhe shkolla cilësore, por edhe me emra dinjitozë të atyre që i kanë shërbyer këtij vendi.
Përtej bindjeve politike, kush ka qenë shërbëtor publik i këtij atdheu dhe i këtij qyteti meriton të vlerësohet, si nga e majta, ashtu edhe nga e djathta,” tha Veliaj. ë herët në Lezhë, konkretisht në Shënkoll, rruga që të çon për në plazhin e Lezhës, mori emrin e Olldashit,i cili u nderua dhe me titullin “Nderi i Komunës”, dy muaj pas vdekjes së tij.
