Shëndeti oral reflekton shëndetin fizik të njeriut. Mjeku Evald Bejko, stomatolog pranë një klinike dentare në Tiranë thotë se për ATSH-në se shëndet oral do të thotë që të mbajmë vetëm dhëmbët të pastërt por të gjithë shëndetin e gojës. Sipas tij, këtu përfshihen dhëmbët, mishi i dhëmbëve, gjuha e gjithashtu edhe fyti.
Por cilat janë këshillat që jep mjeku Bejko për të patur një frymëmarrje më të freskët.
Së pari, pastrimi i dhëmbëve me furçë të butë është më i preferuari. Lajini dhëmbët, gjuhën dhe mishrat e dhëmbëve, të paktën dy herë në ditë me pastë dhëmbësh. Lëvizjet rrethore për pastrimin e dhëmbëve është i mirë sepse kjo përveç të tjerash edhe i bën masazh mishit te dhëmbëve i cili përmirëson qarkullimin e gjakut dhe mban mishin të shëndetshëm.
Po ashtu, mjeku thotë se edhe gjuha duhet të pastrohet mirë. Një shtresë e trashë që formohet në gjuhë mund të shkaktojë mostretjen e gjithashtu ju jep një erë absolutisht të keqe te gojës. Mjeku Bejko thotë se shpërfillja e shëndetit të gojës mundet jo vetëm të shkaktojë rreziqe shëndetësore si mostretja por gjithashtu çon edhe në shkaktimin e ulçerës së gojës dhe sëmundjeve të mishit të dhëmbëve.
Pirja e duhanit është armiku kryesor i shëndetit oral. Një arsye tjetër që era e keqe e gojës shkaktohet është edhe mos pastrimi periodik i dhëmbëve te dentisti. Rekomandohet që çdo gjashtë muaj të vizitohet dentisti për të kontrolluar gojën për ndonjë problem eventual të dhëmbëve dhe gojës dhe për t’i pastruar dhëmbët që të largohen njollat dhe pllakat.
