Bashkia Vlorë, me përfaqësues Këshilltarin e Kabinetit të Kryetarit, Z. Azem Haliti, pati nderin dhe kënaqësinë të ishte pjesë e Samitit të Ballkanit Perëndimor kundër Diskriminimit Racor, që u mbajt më datat 1 dhe 2 nëntor 2023 në Prishtinë, Kosovë.

Ky Samit i Ballkanit Perëndimor kundër diskriminimit racor, është një ngjarje vjetore që bashkoi qeveritë, organizatat e shoqërisë civile, ekspertët e pavarur dhe komunitetet, për të trajtuar kolektivisht çështjen e diskriminimit racor kundër komuniteteve rom, ashkali dhe egjiptian në rajon.

Këtë vit, Samiti u mbajnt nën sloganin “Unitet në Diversitet”, dhe kishte për objektiv: • Rritja e ndërgjegjësimit për efektet negative të diskriminimit racor dhe ndikimin e tij në shoqëri.

• Identifikimi dhe adresimi i shkaqeve kryesore të diskriminimit racor.

• Diskutimi i strategjive efektive për të luftuar diskriminimin racor. • Sigurimi i një platforme për shkëmbimin e praktikave dhe përvojave më të mira.

• Krijimi i një hapësire për dialog dhe bashkëpunim ndërmjet pjesëmarrësve.

• Forcimi i rrjetit të individëve dhe organizatave të angazhuara për parandalimin dhe adresimin e diskriminimit racor. Bashkia e Vlorës ka një fokus të veçantë ndaj komunitetit rom, e sidomos ndaj fëmijëve.

Përveç plotësimin e kushteve bazë në kopshte apo ofrimin e ushqimit, bashkia ka mundësuar edhe bursa. Gjithashtu, në bashkëpunim me Entin e Banesave, do strehohen dhe shumë familje në nevojë nga komuniteti. Ndërkohë, në bashkëpunim me zyrën e këshilit të Evropës, është hapur në Novoselë edhe qendra Multifunksionale.