Categories Lajme

Sulmohet gazetari i Deutsche Welle në Bosnjë-Hercegovinë

Grupe të dhunshme në Banja Luka kanë sulmuar dhe lënduar gazetarë dhe pjesëmarrës të “Bh. parade e krenarisë”. Gjatë raportimit është lënduar rëndë edhe gazetari i DW, Ajdin Kamber.

Gjatë raportimit nga një tubim i aktivistëve të organizatës joqeveritare “Bh. parada e krenarisë” në Banja Lukë të Bosnjë-Hercegovinës, të shtunën, më 18 mars 2023, është sulmuar dhe lënduar nga huliganët edhe gazetari i Deutsche Welle-s, Ajdin Kamber. Lëndimet trupore kanë qenë të rënda dhe gazetari wshtw dwrguar pwr tw  marrw mjekimin e duhur në spital.

Ky manifestim i organizatës joqeveritare në Banja Lukë mbahet prej dhjetë vitesh. Ndryshe nga tubimet e mëparshme, presidenti i Republikës Srpska Milorad Dodik kësaj radhe u deklarua kundër mbajtjes së tij dhe vuri në dukje se siguria e pjesëmarrësve të saj nuk mund të garantohet.

Paraditen e të shtunës, policia lokale ka ndaluar mbajtjen e aktivitetit në ambientet e OJQ-së “Bh. paradë krenarie”. Pasi organizata joqeveritare “Transparency International” (TI) u ofroi mbështetje, organizatorët vendosën të zhvendosen në ambientet e TI.

Ndonëse disa pjesëmarrës dhe gazetarë nuk ishin informuar me kohë për ndryshimin e vendit të mbajtjes së manifestimit, aty është paraqitur një grup prej rreth 30 banditësh me kapela në kokë dhe kanë sulmuar fizikisht pjesëmarrësit dhe gazetarët e pranishëm. Me këtë rast, korrespondenti i DW Ajdin Kamber, ka marrë një goditje me grusht në fytyrë dhe është goditur me shishe në kokë.

Ndonëse forcat e sigurisë ndodheshin në vendin e ngjarjes, policia nuk ka ndërhyrë për të mbrojtur pjesëmarrësit dhe gazetarët. Policia ka ndërhyrë vetëm  pasi organizatorët i kanë njoftuar autoritetet policore për sulmet. Pas ndërhyrjes, banditët e dhunshëm janë larguar dhe kanë ikur.

Por mos ndërhyjra me kohë e policisë ka bërë që autorët të largohen pa u kapur, pavarësisht se janë sulmuar edhe gazetarë, ndër ta edhe reporteri i DW. Deutsche Welle e dënon ashpër këtë sulm dhe apelon tek shërbimet kompetente në Banja Lukë që të nisin hetimet e duhura për këtë incident dhe që sulmuesit e dhunshëm të nxirren para drejtësisë./ DW

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Horoskopi ditor për nesër, e Mërkurë 22 Maj 2024

DASHI Do të flisni shumë me atë që keni në krah sot, por do ta…

LEXO ME SHUME
Categories Lajme

Një çift shqiptarësh dhunohen ashpër nga 3 persona në mes të rrugës në Greqi

Një konflikt i dhunshëm ka ndodhur mëngjesin e së martës në Athinë mes pesë personave.…

LEXO ME SHUME
Categories Lajme

Plagosje me armë zjarri në Durrës/ 24-vjeçari paraqitet në spital, ngrihen pika kontrolli në zonë

Një 24-vjeçar është plagosur në rrethana ende të paqarta për policinë e Durrësit. Mbrëmjen e…

LEXO ME SHUME
Categories Lajme

Nami në Vlorë/ 5 shoferë të arrestuar në 2 javë, vendosen mbi 6300 gjoba nga Rrugorja

Policia Rrugore e Vlorës ka bërë bilancin e saj në 14 ditët e fundit. Sipas…

LEXO ME SHUME
Categories Lajme

Gjirokastër, plagosi me mjet prerës (thikë) 2 shtetas, vihet në pranga 45-vjeçari

Gjirokastër, Gjatë një konflikti të çastit, plagosi me mjet prerës (thikë) 2 shtetas, kapet dhe…

LEXO ME SHUME