Detaje të reja kanë dalë në dritë në lidhje me vrasjen që ndodhi disa ditë më parë në një market në Tiranë, ku humbi jetën një 29-vjeçar. Kujtojmë se gjithçka nisi nga një konflikt për pagesën në supermarket, se kush do paguante i pari. Autori me profesion polic qëlloi me plumb në zemër 29-vjeçarin dhe pas kësaj u shpall në kërkim. Ndërkohë tashmë familjarët e Jurgenit kërkojnë drejtësi.
Kushurira e të ndjerit përmes një mesazhi të dërguar pranë redaksisë së JOQ Albania, ka shkruar se 29-vjeçari është vrarë pa arsye. Ndër të tjera, ajo thekson se polici që duhet të mbronte Jurgenin e vrau atë dhe për më tepër është edhe i lirë.
