Pjesët e trupave që u gjetën muajin e kaluar në një fermë afër qytetit të Guadalahara, i përkasin 50 personave të zhdukur. Në këtë përfundim ka dalë hetimi i ekspertëve, të cilët thanë që 50 trupat janë copëtuar dhe futur në thasë najloni. Sipas mediave të huaja, bëhet fjalë për viktimat që kanë lidhje me luftërat mes narkokartelëve. Ndërsa deri më tani janë identifikuar 13 persona: një femër dhe 12 meshkuj. Kjo është vetëm një nga shumë “varrezat” e tjera masive, të cilat janë zbuluar në rajonin e Guadalahara. Në qershor janë zbuluar 21 trupat të pajetë në një oborr, kurse dy muaj më vonë 34 tjerë teksa po kryheshin punimet në dy prona private.
Të copëtuar e të futur në thasë najloni, gjenden 50 viktima të narkokartelëve
