Prej gati 3 vitesh Kadrie Zelia jeton e vetme, pasi bashkëshorti i saj ndërroi jetë duke e lënë atë të vetme në mëshirë të fatit. “Burri ka 3 vite që ka vdekur.” Me sytë plot lot 60-vjeçarja tregon se me ikjen e bashkëshortit jetesa e saj u bë shumë e vështirë. “Më keq nuk ka ku të shkojë. Mallkoj veten time që të iki në atë botë. E kam shumë të vështirë, se vetëm nuk jetohet.” Tregon se nga pushteti vendor dhe nga qeveria nuk merr asnjë ndihmë. “Vetëm të ishte burri gjatë se një pension e merrja. Nuk marr asnjë ndihmë ekonomike.”
Mes lotëve shprehet se mbijeton me ndihmën e fëmijëve edhe pse dhe ato janë në gjendje të vështirë ekonomike. “Çunat më japi një kafshatë bukë, por edhe ata nuk kanë.” Shpesh herë shprehet se detyrohet të rrijë me barkun bosh.
“Unë po vuaj jashtë mase, me bark bosh, kur jam me diabet dhe ilaçe.” “Thirrja e kësaj nënë që është plot dhimbje, dhimbje që e tregojnë sytë e saj shkon për këdo. Sot ajo ka nevojë për një pjatë gjellë, por dhe veshje. “Të më ndihmojë shteti. Nuk kam as për të larë rrobat.”