Duket se debatet mes Ilirit dhe Monikës nuk po gjejnë sqarim. Gjatë sfidës së fundit, Iliri argumentoi se përse Monika nuk e meritonte fitoren duke e etiketuar edhe si hipokrite.
Ky epitet duket se e ka mërzitur tepër aktoren, gjë që ka nxitur edhe një diskutim të ashpër mes tyre.
“Jam shumë e mërzitur të quajta mik, të kam dhënë zemrën. Unë nuk do ta thoja kurrë atë gjë për ty. Unë më mirë do isha larguar sesa të shkruaja gjëra të tilla, as nuk e çoja nëpër mend. Nuk kam dashur kurrë të luaj por edhe nëse jam hipokrite, për moshën që kam nuk duhet ta kishe thënë atë gjë për mua.
Unë kam lënë nënën time vetëm atje dhe nuk kam ardhur këtu të ulëras për arsyet e mia”,- tha ajo e revoltuar. Nga ana tjetër Iliri u përpoq të sqaronte se epiteti në fjalë u përdor vetëm duke u bazuar tek diplomacia që Monika tregon në marrëdhëniet me banorët e tjerë.
