‘Telenovela’ vazhdon: Ndahet nga ukrainasja britaniku që la gruan me dy fëmijë: Nuk përballonte dot alkoolin

Tony Garnett, 30 vjeç thotë se është ndarë nga Sofiia Karkadym, 22 vjeç, pasi sipas tij ajo nuk ishte në gjendje të kontrollonte alkoolin dhe me një thikë kishte dëmtuar një mur në shtëpinë e tyre me qira. Ai gjithashtu e akuzoi atë se po ndërhynte në marrëdhëniet e tij me dy vajzat e tij.

Toni ra në dashuri me Sofian vetëm disa ditë pasi ajo filloi të jetonte me të dhe partneren e tij Lorna Garnett, e cila është nëna e dy fëmijëve të tij.

Ai dhe ish-e dashura e tij bënë bujë në media pasi u larguan nga shtëpia ku jetonin me Lornën për të nisur një jetë të re së bashku.

Toni pohoi se gjërat arritën në një pikë pa kthim kur në festën e 30 vjetorit të tij, Sofia mori një thikë dhe goditi murin e shtëpisë ku jetonin në Bradford, West Yorkshire, veprim pas të cilit ai tha se u detyrua të thërriste policinë.

Nuk mund ta duroj më abuzimin apo zemërimin e saj. Kam punuar shumë për ta bërë këtë marrëdhënie të funksionojë. Por ka një anë të saj që nuk mund ta duroj më. Ajo zemërohet dhe bëhet agresive. Të shtunën mbrëma ajo mori një thikë dhe goditi murin disa herë. Më frikësoi vërtet dhe nuk kisha zgjidhje tjetër veçse të thërrisja policinë. Kjo nuk më bën aspak të lumtur. Por isha i shqetësuar për sigurinë time.

Kam bërë një gabim duke u lidhur me Sofian. Siç e kam thënë edhe më parë, marrëdhënia ime me Lornën tashmë kishte përfunduar dhe unë isha vërtet i pakënaqur. Por kjo nuk ishte gjëja e duhur për mua.