Categories Lajme

Tenderi për lotin e parë të Unazës së Madhe do të ribëhet

Autoriteti Rrugor Shqiptar po përgatitet për të hapur menjëherë nga e para garën e prokurimit për ndërtimin e mbikalimit te sheshi “Shqiponja”, nëse nga autoritetet amerikane do të vijë një përgjigje zyrtare se kompania fituese e tenderit për lotin e parë, “Dunwell Haberman Albania” ka falsifikuar dokumentacionin.
Qeveria kërkon të mos humbasë kohë. Sipas planifikimeve, projekti duhet të mbarojë para zgjedhjeve parlamentare të vitit 2021, ndërkohë që zgjatja e periudhës së ndërtimit do të kishte pasoja në trafikun e rënduar për shkak të punimeve.

Burime nga Ministria e Infrastrukturës bëjnë me dije se, brenda javës së ardhshme pritet që të vijë përgjigjja nga Shtetet e Bashkuara, e më pas do të procedohet. I gjithë procesi i ritenderimit, nga hapja e garës deri te shpallja e fituesit, mund të zgjasë mbi një muaj.

“Dunëell Haberman Albania”, në bashkëpunim me kompaninë shqiptare “Biba X”, u shpall fituese për rindërtimin e lotit të parë të “Unazës së re”, ku përfshihet edhe ndërtimi i mbikalimit te sheshi “Shqiponja”. Por më pas, në medien shqiptare dolën dokumente që implikonin kompaninë “Dunwell Haberman Albania”, degë e një kompanie mëmë në Shtetet e Bashkuara, në falsifikime të datës së regjistrimit.

Tani për tani nuk janë bërë pagesa buxhetore dhe ARRSH ka vendosur ndalimin e punimeve në lotin e parë. Nëse nga përgjigjja zyrtare, që do të vijë nga Shtetet e Bashkuara, do të rezultojë se me të vërtetë kemi të bëjmë me falsifikim dokumentesh, atëherë kontrata do të anulohet dhe do të bëhet kallëzim penal në Prokurori kundrejt këtij operatori.

Po ashtu, Autoriteti i Rrugëve do të arkëtojë sigurimin e ofertës, të bërë nga bashkimi i kompanive “Dunwell Haberman Albania” dhe “Biba X”, një shumë që i kalon 2 milionë eurot.

Loti i parë i punimeve për rindërtimin e “Unazës së re” është edhe më i kushtueshmi i projektit. Nga rreth 40 milionë euro, gati gjysma ose 20 milionë euro do të shkojnë për ndërtimin e mbikalimit te sheshi “Shqiponja” dhe nyjet lidhëse të tij me rrugën “Dritan Hoxha” dhe “Unazën e madhe”./tch

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Video/Ja momenti kur avokati Sokol Mëngjesi dhunohet para derës së kopshtit

Publikohet video nga momenti kur avokati Sokol Mëngjesi dhunohet para derës së kopshtit. Siç shihet…

LEXO ME SHUME
Categories Lajme

Nëna dhe babai kërkojnë djalin e humbur prej 4 muajsh, i riu i surprizon live: Jam mirë

Mes lotësh dy prindër nga Elbasani, Bujar dhe Fiqerete Çepa mbërritën pasditen e kësaj të…

LEXO ME SHUME
Categories Lajme

FOTO-EMRAT/ Identifikohen 4 autorët që dhunuan avokatin Sokol Mëngjesi

Policia e Tiranës ka identifikuar katër autorët që dhunuan avokatin Sokol Mëngjesin, mëngjesin e kësaj…

LEXO ME SHUME
Categories Lajme

Vlorë/Vijon megaoperacioni policor i koduar “Tempulli 3”Vihet në pranga një 27-vjeçar, të cilit iu gjet në automjet, një sasi lënde narkotike e ndarë në rreth 530 doza

Vlorë/Vijon megaoperacioni policor i koduar “Tempulli 3”, goditet një rast i shitjes së lëndëve narkotike,…

LEXO ME SHUME
Categories Lajme

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2 shtetas

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2…

LEXO ME SHUME