Një sherr masiv është regjistruar në një qendër minorenësh në Udinë të Italisë.
Mësohet se 80 të mitur, nga të cilët 12 me origjinë shqiptare, janë përleshur me njëri tjetrin.
Sipas mediave italiane, fillimisht konflikti nisi mes shqiptarëve dhe 13 pakistanezëve për shkak të fyerjeve.
Më pas u përfshinë edhe të mitur të tjerë që ndodheshin në qendër. Mësohet se gjatë përleshjes janë përdorur edhe mjete prerëse, si dhe mjete të forta si shufra metalike.
Si pasojë e sherrit, u plagosën disa minorenë, ku 7 prej tyre u dërguan në urgjencë për të marrë ndihmën e parë.
Ndërkohë ndaj një 17 vjeçari të përfshirë në konflikt, policia ka hapur procedim penal, për shkak se atij iu gjet 3.9 gram hashash, të fshehura në dhomë.
