Ditën e sotme rreth orës 06:00 një person që është ende i paidentifikuar ka goditur me lëve memorialin turk që ndodhet tek Parku i Liqenit në kryeqytet vendosur kohët e fundit në nderim të viktimave të grushtit të shtetit në vitin 2016 në Turqi.
Lidhur me ngjarjen, Policia ka dalë me një njoftim zyrtar, por pa dhënë asnjë detaj apo pistë hetimi, ndërsa thekson se po kryhen hetimet me qëllim identifikimin dhe kapjen e auto
Informacion paraprak
Në orët e para të mëngjesit, tek parku i Liqenit të Thatë, një person ende i paidentifikuar ka dëmtuar me sende të forta një pjesë të një memoriali.
Grupi hetimor po kryen veprimet me qëllim identifikimin dhe kapjen e autorit
Kujtojmë se vendosja e memorialit tek Parku i Liqenit ka hapur shumë polemika dhe reagime nga më të ndryshme ku shumica e opinioneve janë shprehur kundër tij, duke argumentuar se nuk përfaqëson asgjë për vendin në një kohë kur edhe në Turqi nuk ka një sqarim shterues se çfarë ka ndodhur në 2016 atje dhe kush është ëprgjegjës i saj.
Ndërsa kujtojmë se së fundmi disa eksponentë janë shprehur publikuisht për shembjen e tij dhe njëri prej tyre është edhe ish-deputeti, Eduart Ndocaj, njohur ndryshe si “Kaubojsi” i cili tha se ishte gati të ofronte 2000 euro për atë që do ta hiqte prej aty.
Më datë 20 Gusht, në ambientet e parkut të Liqenit Artificial në Tiranë, dhjetra qytetarë kanë protestuar kundër memorialit turk të vendosur nga kryebashkiaku Erion Veliaj, në përkujtim ttë 251 viktimave të grushtit të shtetit në 15 korrik të 2016 në Turqi, në mbështetje të Erdoganit.
Më herët, konkretisht më 11 Gusht, një grup të rinjsh kanë shkuar përpara monumentin dhe si shenjë revolte kundër tij, e kanë rrethuar me letë higjenike dhe kanë vendosur një tabelë me fjalët: ‘Respekt për këdo që nuk jeton më, por ky monument nuk na përket neve. I përket pushtuesve tanë. Bërë në datë 11/ 08/ 2019. Paqësisht në vend demokratik’.
