Dy aksidente me pasojë vdekjen janë regjistruar mbrëmjen e sotme në Tiranë dhe Elbasan. Në kryeqytet ngjarja u regjistrua në rrugën “Misto Mame” në Kombinat.
Viktimë raportohet se ka mbetur një grua, e cila po lëvizte në këmbë. Dyshohet se ajo është përplasur nga dy automjete njëri pas tjetrit. Rrethana e aksidentit nuk dihen ende por dyshohet se shkak është bërë shpejtësia me të cilën lëviznin dy automjetet.
“Më datë 17.08.2021, rreth orës 21:00, në “Misto Mame”, dyshohet se janë përfshirë në aksident rrugor mjeti me drejtues I. H., 39 vjeç dhe mjeti me drejtuese shtetasen B. G., 32 vjeçe. Si pasojë ka humbur jetën një shtetase këmbësore ende e paidentifikuar, rreth 50 vjeçe”. Policia e mbërritur në vendngjarje ka nisur hetimet, ndërsa trupi i pajetë ka qëndruar në rrugë për disa minuta në pritje të autoambulancës.
