Në kuadër të operacionit të koduar “Shops” kanë rënë në pranga të Policisë 2 persona dhe janë proceduar në gjendje të lirë 6 të tjerë pasi tregtonin mallra të kontrabanduara në 5 dyqane të ndryshme në Tiranë dhe Durrës. Konkretisht janë arrestuar:
– J. Xh., 52 vjeç dhe M. Q., 64 vjeç, të dy banues në Tiranë.
Gjithashtu u proceduan në gjendje të lirë qytetaret D. H., 21 vjeçe, B. G., 22 vjeçe, K. D., 22 vjeçe dhe G. G., 23 vjeçe, të treja banuese në Tiranë, si dhe E. M., 44 vjeçe e A. K., 27 vjeçe, të dyja banuese në Durrës.
Nga veprimet hetimore ka rezultuar se 52-vjeçari me iniciale J.Xh. administronte 5 dyqane të ndryshme, 3 në Tiranë dhe 2 Durrës, ekonomist i të cilëve ishte shtetasi 64-vjeçari M. Q. dhe punonjëse ishin D. H., B. G., K. D., G. G., E. M. dhe A. K.
Gjatë kontrollit, në këto subjekte u gjetën dhe u sekuestruan në cilësinë e provës materiale, produkte të ndryshme, si çanta, veshje, syze dhe parfume, të dyshuara të kontrabanduara. Kontrolli në dyqanin në Durrës, si dhe veprimet e tjera procedurale për këtë subjekt tregtar, janë kryer në bashkëpunim me DVP Durrës.
Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
